Friday 23 March 2018

मित्र संवाद - डाटा की चोरी / विजय शंकर सिंह

अक्सर एक मित्र संवाद आप सब से साझा किया  करता हूँ। यह मित्र संवाद भोजपुरी में होता है। भोजपुरी जिसमें यह  बातचीत है बनारस औऱ आसपास की है। चार कोस पर पानी बदले आठ कोस पर बानी के लोकोक्ति वाले देश मे भोजपुरी बहुत थोड़े थोड़े  परिवर्तन के साथ पूर्वी उत्तर प्रदेश और पश्चिमी बिहार की एक लोकप्रिय बोली है। यह बातचीत टेलीफोन पर, मित्र के ही तरफ से शुरू हुई है।

' का हाल ह हो ?'
' ठीके त बा, आपन सुनावा।'
' बनारस ना आवै के ह का एहर ? तोहन लोग त घर दुआर कुल छोड़ के कानैपुर बस गईला ।"
" नाहीं, आइब, अगले महीना में। '
" ई त तू पहिलहुँ कहले रहला। "
" ना । एदां आइब । पक्का। "
" आज अख़बरवा में पढली है ई डाटा चोरी का ह हो ? फ़ेसबुकवो पर देखली हौ बड़ा कुल छपले हउउन । "
' फेसबुक चलावैला न ? "
' काहें नाहिं चलाइला। बाकी तोहरे मतीन पगलायल थोड़े हइ कि जब देखा तब ओहि पर जुटल बाड़ा। '
' ओही फेसबुकवा पर जवन अपने बारे में सूचना देहले होबा ऊ कुल हैकर चोराय लेहले हउअन ।
' ऊ चोराय के सरवा ( फिर एक देशज गाली ) का करिहैं कुल हो ? '
' अइसने बहुत जाने के डेटा ऊ कुल चोराय लेले हउअन । सरकार परेशान हेव।'
' देखा भाई हमरे डेटा ओटा में त कुछ बाय नाहिं। तोहन लोग साहब सूबा हउआ त चिंता करा। इहाँ ( फिर एक देशज गाली ) सरवा हमार का ले जाई। छोड़ा ई कुल। आवा बनारस बहुत दिन भईल मिलले। आया त कुछ दिन रहिया । ई ना कि चार दिन में घूम फिर के फिर भाग जाया । "
" आइब त रुकब। थोड़ा घूमल फिरल जाइ । तोहरो डेटा अमेरिका पहुंच गयल अब त । "
" हमरे डेटा में का पइहें कुल हो ? नावँ गांव बा आउर का बा । इहाँ त चना चबेना गंग जल बस आउर का । "
" एहि डेटा के पढ़ के कुल दुनिया भर में सरकार बदल देत हउअन , तू कहत बाड़ा कि डेटा में का ह। "
" कलिजुग हौ बाबू । जाने का का देखे सुने के मिली।  जौन कहा तौन ठीके ह।अच्छा अब हम सुत्तब । तोहन लोग त निशाचर हउआ देरी से सुतबा आऊर सबेरे देरी से उठबा। इहाँ त भिनसारे उठ जाएके हव। अच्छा फिर बात होई । जल्दी आवा बनारस। "
" ठीक हव । फिर मिलाइब फोन। प्रोग्राम बनावत हई, जल्दिये आइब । "

बातें और भी हुयीं थी। मैंने डेटा चोरी वाली बात साझा की है। निजता के अधिकार के आभिजात्य बहस के बीच, कुछ निजी बातचीत भी सेंसर कर दी गयी है ! यह संवाद भी बनारस की तरह कितना निश्चिंत और निर्द्वन्द्व है।

© विजय शंकर सिंह

No comments:

Post a Comment